“Aznews tv” xəbər verir ki, bunu İran Səhiyyə Nazirliyinin rəsmisi Abbas İbadi deyib.
İran Tibb Bacıları Evinin baş katibi bir müddət öncə verdiyi açıqlamada tibb bacılarının ölkədən getdiyini və onların əvəzinə yeni heç bir tibb bacısının işə qəbul edilmədiyini bildirib.
Ölkədə koronavirus xəstəliyinin kəskin şəkildə artdığı bir vaxtda ayda 500 tibb işçisinin İranı tərk edərək digər ölkələrə sığındığı təxmin edilir və bundan qaynaqlanaraq, ölkə ciddi şəkildə tibb bacısı çatışmazlığı ilə üzləşib.
Xatırladaq ki, İran Səhiyyə Komissiyasının sözçüsü bir müddət öncə tibb bacılarının ikiqat işlədildiyinə toxunaraq bildirmişdi ki, ölkədə tibb bacıları çatışmazlığı olduğu üçün onlar əlavə olaraq 150 saat çalışmaq məcburiyyətində qalıblar.
