Azərbaycan

Culfada həbsxanadan məzuniyyətə çıxmış güneyli müəllimlə görüş keçirilib

Güney Azərbaycanın Culfa şəhərindən olan müəllim, tanınmış fəal Lətif Ruzixah zindandan məzuniyyətə buraxılıb, Bir qrup müəllim ona dəstəklərini bildirmək üçün görüşünə gediblər.

“Ədalət və azadlıq istəyən müəllimlər zindandadırlar”, “müəllimin yeri həbsxana deyil”, “Lətif Ruzixah yalqız deyil” və s. məzmunlu plakatlar qaldıran müəllimlər Tehran rejiminin fəal müəllimlərə qarşı basqılarına etiraz ediblər.

Həm də Yaz bayramı münasibətilə keçirilən görüşdə azərbaycanl müəllimlər zindanda olan həmkarlarını xatırlayıb, müəllimlər barədə bəstələnmiş türkcə mahnı oxuyublar.

Qeyd edək ki, Lətif Ruzixah Şərqi Azərbaycan Müstəqil Mədəniyyət Dərnəyinin İdarə Heyətinin üzvüdür.

O, eyni zamanda İran Mədəniyyət Dərnəkləri Koordinasiya Şurasının üzvü və Şərqi Azərbaycan əyaləti üzrə nümayəndəsidir.

Culfa şəhər İnqilab Məhkəməsi 2021-ci ilin noyabr ayında “hökumətə qarşı təbliğat” ittihamı ilə Lətif Ruzixaha qarşı 7 ay həbs cəzası barədə qərar çıxarıb və azərbaycanlı müəllim fevralın 11-də Culfa şəhərinin zindanına köçürülüb.

 

Related Articles

Bir cavab yazın

Back to top button