Güney Azərbaycanın Ərdəbil vilayətində əhali ciddi su problemi ilə üzləşib.
“Aznews tv”ın xəbərinə görə, Ərdəbil əyalətinin Əlmas kəndinin sakinləri nə içməyə, nə də başqa təlabatları üçün su qıtlığından şikayətçidirlər.
Sakinlər bildiriblər ki, qışın bu soyuq çağında su tapa bilmədikləri üçün mədən suyu alırlar, çimmək üçün isə Ərdəbil şəhərinə gedərək orada fəaliyyət göstərən hamamlara üz tutmağa məcbur qalırlar.
Əhali, habelə bildirib ki, maddi imkanları çatmadığı üçün davamlı olaraq mədən suyu ala bilmirlər.
Onlar sonda dövlət məmurlarının onlarla maraqlanmadığını və çətinliklərinin həlli üçün heç bir addım atmadıqlarını deyirlər.
