Ermənistan difa vəzirliyinin rəsmi nümayəndəsi Artsurun Ovannisyan Qarabağda Ermənistan ordusunun geri çəkildiyini etiraf edib. Bu barədə Ovannisyan öz feysbuk səhifəsində yazıb. Ordunun geri çəkilməsinə haqq qazandırmağa çalışan qurum rəsmisi ötən əsrdə baş vermiş hadisələrlə uğursuz müqayisə apararaq bunun, əslində, “qələbə”yə yol açacağını izah etməyə çalışıb. Onun sözlərinə görə, geri çəkilmə heç də məğlubiyyət deyil.
