Bunu ABŞ dövlət katibi Entoni Blinken deyib.
“Biz Yaxın Şərqdə gərginliyin azaldılması və münaqişənin genişlənməsinin qarşısının alınması üçün intensiv işləməyə davam edirik. Son bir neçə gün ərzində biz regionda və onun hüdudlarından kənarda olan tərəfdaşlarla daimi təmasda olmuşuq”, – deyə o, Merilend ştatının Annapolis şəhərində keçirdiyi mətbuat konfransında deyib.
O həmçinin ABŞ-ın İsrailin təhlükəsizliyini təmin etməyə hazır olmağının dəyişməz olaraq qaldığını vurğulayıb.
“Biz, əsgərlərimizi qorumağa davam etdiyimiz kimi İsraili də terrorçuların və onların havadarlarının hücumlarından müdafiə etməyə davam edəcəyik”, – deyə Blinken bildirib.
