Dünyaİran

Amerika: İran və Rusiya əlaqələrinin ikişafı “ciddi təhdid”dir

Amerika Dövlət Departamentinin sözçüsü İranın "Xəyyam" peykinin Rusiya tərəfindən Yerin orbitinə buraxılmasının ardından bildirib ki, Tehran və Moskva arasında əməkdaşlığın genişlənməsi beynəlxalq ictimaiyyət üçün böyük təhlükə sayılır.

O, bu barədə “Anadolu” ajansına açıqlamasında Amerika hökumətinin Rusiyanın əhəmiyyətli casusluq imkanlarına malik peykin İran adından orbitə buraxmasından xəbərdar olduğunu vurğulayıb.

Qeyd edək ki, “Xəyyam” peyki avqustun 9-u səhər saatlarında Rusiyanın “Soyuz” peyk daşıyıcısı ilə Qazaxıstandakı Baykonur kosmik bazasından Yerin orbitinə buraxılıb.

“Xəyyam” peykinin İran Kosmik Təşkilatının tədqiqatçıları tərəfindən peyk məlumatlarını təmin etmək və kosmos sənayesinin kənd təsərrüfatı və ətraf mühit kimi sahələrdə tətbiqlərini inkişaf etdirmək məqsədilə istehsal olunduğu iddia olunur. Lakin bir çoxlarının fikrincə, İran və Rusiya həmin peykdən hərbi məqsədlər üçün istifadə edəcək.(https://t.me/AzadIranTelegram/9134)

Related Articles

Bir cavab yazın

Back to top button