Amerika məclisi koronavirusla ilgili iqtisadi ziyan çəkmiş az gəlirli şəxslərə 2 min dolar yardımın ödənilməsi ilə bağlı qərar verib. Beləliklə, önəri 275 rəylə qəbul edilib. Bundan öncə yardımın məbləği 600 dollar bəlli edilsə də, Amerika prezidenti Donald Tramp vəsaitin az olduğunu bildirərək qərara etiraz edib. Təklif bu gün Sena məclisində təkrar baxışdan keçiriləcək. Yekun qərar isə hələlik bəlli deyil. Qeyd edək ki, Amerikanın yeni seçilən prezidenti Co Bayden yardım vəsaitinin 2 min dolar müəyyənləşdirilməsini dəstəkləyib.
