ABŞ Dövlət Departamentinin İran üzrə keçmiş yüksək vəzifəli müşaviri Qabriel Noronha mümkün atom anlaşmasını faciə adlandıraraq, müzakirələrə əslində Rusiya nümayəndəsi tərəfindən rəhbərlik edildiyini deyib.
“Aznews tv” xəbər verir ki, bu barədə o, “Twitter” hesabındakı paylaşımında məlumat yayıb.
Noronha Robert Malini kəskin tənqid edərək, onun SEPAH, Xameneinin ofisi və ona bağlı qurumlara qarşı sanksiyaların ləğv ediləcəyinə söz verdiyini bildirib.
O, mümkün nüvə anlaşmasının Amerika Birləşmiş Ştatlarının əmniyəti üçün təhlükəli olduğunu vurğulayaraq, nə qısa, nə də uzunmüddətli perspektivdə ölkəsinin maraqlarına xidmət etməyəcəyini qeyd edib.
Sabiq müşavir sonda indiyə kimi üç Amerika diplomatının mümkün razılaşmadan narazı olduqları üçün istefa verdiyini söyləyib.
