Güney Azərbaycanın Ərdəbil şəhərində azərbaycanlı milli-mədəni fəallar Azərbaycan türkcəsində kitablar paylayıblar.
“Aznews tv”xəbər verir ki, onlar bu simvolik addımı Güney Azərbaycanda Pəhləvi rejimi tərəfindən kitabların yandırılmasının növbəti il dönümü münasibətilə atıblar.
Fəallar kitabları uşaqlara və cavanlara paylayarkən onları təhsil almaq və kitab oxumağa təşviq ediblər.
Onlar həm də ana dilləri olan Azərbaycan dilinin qorunmasının vacibliyini də oxucuların diqqətinə çatdırıblar.
Qeyd edək ki, hər il dekabr ayının 17-də, yəni Pəhləvi rejimi tərəfindən Güney Azərbaycanda türkcə kitabların yandırılmasının il dönümümdə azərbaycanlı milli fəallar bu cür aksiyalar keçirirlər.
