İndi sıra Həmasındır. Atəşkəsin əldə edilməsinin məsuliyyəti Həmasın üzərinə düşür. Blinken, İsrailin atəşkəs barədə razılığa gəlmək arzusunu xəbər agentliyinə bu şəkildə şərh etdi: “Onların (İsrailin) atəşkəsə nail olmaq istəyi aydın şəkildə görünür”.
Atəşkəs razılaşması bu şəkildədir: “Dərhal atəşkəs elan edilir, girovlar evlərinə qayıdır və bu bizə növbəti mərhələ üçün stimul verir.”
Blinken Həması İsrailin təklif etdiyi ən son atəşkəs və girovların azad edilməsi razılaşmasını qəbul etməyə çağırıb. Onun sözlərinə görə, bu təklifdə İsrail “çox vacib güzəştlər” edib ki, bu da razılaşmanı əldə etmək üçün İsrailin istəyini nümayiş etdirir.
“İndi bütün dünya bizi seyr edir. Əgər Həmas həqiqətən Fələstin xalqının qayğısına qalmaq iddiasındadırsa və onların yaralarının dərhal yüngülləşdirilməsini görmək istəyirsə, bu razılaşmanı qəbul edəcək. Əgər belə deyilsə, düşünürəm ki, bu, Həmasın Fələstin xalqına əhəmiyyət verməməsinin daha bir sübutudur.”
Blinken deyib ki, çərşənbə günü Netanyahu və digər rəsmilərlə danışıqlarda diqqət mərkəzində döyüşlərin dayandırılması, girovların azad edilməsi və ola bilsin ki, daha uzunmüddətli sülhə nail olmaq üçün hərbi əməliyyatların tamamilə sonlandırılması olub.
“Razılıq var ki, əgər biz ilkin razılaşma əldə edə bilsək, atəşkəs əldə edə bilsək, girovları azad edə bilsək, sülh danışıqlarını bunun üzərində qurmağa çalışacağıq və zamanla davamlı nəticə əldə edəcəyik” dedi.
