BMT-nin İnsan Haqları Şurasının 50-ci sessiyasında yeni hesabat təqdim edən BMT baş katibinin insan haqları üzrə müavini İran hökuməti tərəfindən insan haqlarının pozulması ilə bağlı çoxsaylı halları sadalayıb və 2022-ci ilin ilk 3 ayı ərzində İran hökumətinin 100-dən çox məhkumu edam etdiyini deyib.
BMT baş katibinin insan haqları üzrə müavini Nada əl-Naşif iyunun 31-də BMT baş katibinin İranla bağlı son hesabatını BMT-nin İnsan Haqları Şurasına təqdim edib.
O. 2020-ci ildə İranda 260 məhkum edam edildiyini, bunun 2021-ci ildə 14-ü qadın olmaqla 310 nəfərə çatdığını söyləyib.
BMT Baş Katibinin İnsan Haqları üzrə müavini daha sonra bu artım tendensiyanın davam etdiyini və təkcə 2022-ci ilin birinci rübündə, yanvarın 1-dən martın 20-dək İslam Respublikasında ən azı 105 nəfərin edam hökmünün icra olunduğunu və onların bir çoxunun azlıq qruplarına mənsub olduqlarını bildirib.
