Bu gün Azərbaycan filmi Günüdür. Heydər Əliyevin 2000-ci il 18 desambr tarixli qərarı ilə aqustun 2-si film işçilərinin peşə bayramı – Azərbaycan Film Günü kimi qeyd olunur. Bu il tarixi günün 122-ci ildönümüdür.
1898-ci il aqustun 2-də Bakı elmi-foto dərnəyinin dəbiri, naşir və fotoqraf Aleksandr Mişon lentə aldığı “Bibiheybətdə neft fontanı yanğını”, “Əlahəzrət Buxara əmirinin yolasalma mərasimi”, “Qafqaz rəqsi” xronikal sənədli və “İlişdin” adlı bədii süjetlərini nümayiş etdirib.
Habelə ötən əsrin əvvəllərində “Pate”, “Pirone”, “Filma” kimi xarici film şirkətləri Bakıda şöbələrini açaraq film tolidi ilə məşğul olublar. 1916-cı ildə yazıçı İbrahim bəy Musabəyovun eyniadlı povesti əsasında “Neft və milyonlar səltənətində”, 1917-ci ildə isə Üzeyir Hacıbəylinin eyniadlı operettası əsasında “Arşın mal alan” qısametrajlı bədii filmləri çəkilib.
1923-cü ildə Azərbaycan Foto-film İdarəsi yaradılıb, aprilin 28-də isə Birinci Dövlət filmtolidi açılıb. Burada ilk dəfə “Qız qalası” bədii filmi çəkilib.
Filmstudiya 1960-cı ildən Cəfər Cabbarlının adını daşıyır.
“Azərbaycanfilm”də indiyədək iki mindən çox müxtəlif növ və janrda film hazırlanıb. Onlardan “Arşın mal alan”, “Şərikli çörək”, “Ad günü”, “Sevinc buxtası”, “İstintaq”, “Yaramaz” və başqaları Dövlət ödüllərinə, “Ögey ana”, “Uzaq sahillərdə”, “Arşın mal alan”, “Bizim Cəbiş müəllim”, “Axırıncı aşırım”, “Nəsimi”, “Özgə vaxt”, “Sarı gəlin”, “Ovsunçu”, “Buta”, “Çölçü”, “Nabat”, “Axınla aşağı” və başqaları beynəlxalq və digər filmfestivalların ödüllərinə layiq görülüb.
Qeyd edək ki, Azərbaycan film sənəti zəngin tarixi irsə və inkişaf yoluna sahibdir.
