Hərbi Dəniz Qüvvələrinin hərbçiləri öldürülən bəluç vətəndaşa öncədən heç bir xəbərdarlıq etmədən və yalnız qayıqla qaçaq yanacaq daşıma ehtimalı ilə bağlı atəş açıbar.
Hadisənin dünən baş verdiyi və öz qayığı ilə hərəkət edən etnik bəluçun Qorqan kənd sakini Heydər Sina adlı yanacaq daşıyan olduğu bildirilib. Məlumata görə, o, öldürüldükdən və dəniz qüvvələri tərəfindən qayığın yoxlanılmasından sonra onun qaçaqmalçılıq yolu ilə yanacaq daşımadığı müəyyən edilib.
Xatırladaq ki, son illərdə İranın Sistan və Bəluçestan vilayətində insanlar ölkədə sürən aclığın çarəsini yanacaq daşımaqda tapıb. Buna hər vəchlə mane olan İran hökumətinin əlaltıları onları ilk gördüyü yerdə özbaşına birbaşa silahla atəş açaraq öldürür. İran hakimiyyəti bu qanunsuz addımları ilə etnik bəluçları qorxutmaq niyyəti güdür.
