Amerikanın İran üzrə xüsusi nümayəndəsi Robert Mali iyunun 27-də Dohaya səfər edib və İran rəsmilərinin verdiyi məlumata görə, Əli Baqeri Kəni də bu gün səhər saatlarında Dohaya yollanacaq. Məlumata görə, tərəflər arasında mesajlar Avropa İttifaqının nümayəndəsi və nüvə razılaşmasının canlandırılması üzrə müzakirələrin koordinatoru Enrike Mora vasitəsilə çatdırılacaq. Qeyd edək ki, İranın ali lideri Əli Xamenei Amerika ilə birbaşa müzakirələri qadağan edib.
