Tehranın Evin zindanında 6 siyasi məhbus şair və kinomatoqraf Behtaş Abtinin ölümündə zindan məmurlarının birbaşa və açıq-aşkar günahının və qüsurunun olması, habelə zindan müdiriyyətinin onların tələblərinə laqeyd yanaşmasına etiraz olaraq yanvarın 12-dən aksiyaya başlayıblar.
“Aznews tv” xəbər verir ki, sözügedən 6 siyasi məhbusun aksiyaya əl atması xəbəri haqda hazırda sürgündə olan keçmiş vicdan məhbusu Süheyl Ərəbi yanvarın 13-də “Twitter”dəki paylaşımında məlumat verib.
O bildirib ki, həmin siyasi məhbuslar yanvarın 12-dən etibarən “tam aksiya”ya (yeməksiz və susuz) başlayıblar.
Xatırladaq ki, Evin zindanında həbsdə olan şair və film yönətməni Bektaş Abtin koronavirusa yoluxduqdan sonra zindan məmurları tərəfindən onun müalicəsi təmin edilmədiyi üçün bir neçə gün sonra vəfat edib.
