Həmədan əyalətində təhlükəli virusla bağlı son durum barədə məlumat verilib. Məsələ ilə ilgili Həmədan Tibb Elmləri Danişqahının yaydığı açıqlamada bildirilib. Rəsmi məlumata əsasən, 14-20 mars tarixləri arasında Həmədan əyalətinin bütün şəhərləri sarı məntəqə hesab edilib. Son 3 gündə isə virusdan ölüm faktı qeydə alınmayıb. Danişqahdan verilən məlumata görə, durum qismən də olsa, sabitləşib. Bahar bayramı ilə ilgili insanların ictimai məkanlarda sıx toplaşması isə virusa yoluxma və ölüm hallarında kəskin artımın olacağını istisna etmir.
