Evin zindanında cəza çəkən azərbaycanlı siyasi məhbus Həmid Mənafi Nəzərli 27 desambrda ailəsi ilə ilgi saxlayıb. O, əfsər nigəhbanlarının ona qarşı fiziki zorakılıq tətbiq etdiklərini bildirib. Həmid Mənafi Nəzərlinin sözlərinə görə, desambrın 25-də zindan məsulları bir neçə məhbusu təhqir edib. Bu hal məhbus Əfşin Şahsəvari və Həmid Mənafi Nəzərli tərəfindən etirazla qarşılanıb. Nəticədə əfsər nigəhbanları həmin şəxslərə qarşı fiziki zorakılıq tətbiq ediblər. Hər iki məhbus çoxsaylı ağır bədən xəsarətləri alıb.
