Təşkilat öz hesabatında İranda davam edən etirazlarda azı 141 nəfərin öldüyünü bildirib.
İran İnsan Haqları Təşkilatı onların 52 nəfərinin sentyabrın 30-da Zahidan şəhərində törədilən qətliamda öldüyünü yazıb.
“İranda nümayişçilərin öldürülməsi, xüsusilə də Zahedanda baş verən kütləvi qırğın insanlığa qarşı cinayətin bariz nümunəsidir”-Təşkilatının direktoru Məhmud Əmiri Muqəddəm belə deyib.
Bəluç fəalların yaydığı məlumatlarda Sistan-Bəluçistan əyalətində hökumət qüvvələrinin öldürdüyü etirazçı sayının elan olunan rəsmi rəqəmlərdən bir neçə qat çox olduğu qeyd olunub.
Qeyd edək ki, İranda davam edən hökumət əleyhinə etirazlar sentyabrın 16-da “Əxlaq” polisi tərəfindən Məhsa Əmininin öldürülməsi ilə başlayıb və hələ də davam edir.