Setayişi mediaya verdiyi açıqlamada mayın 22-də İran İnqilab Keşikçiləri Korpusunun polkovniki Səyyad Xudayinin öldürülməsində rolu olan bir neçə nəfərin həbs edildiyini iddia edib.
Saxlanılanların dəqiq sayı və kimliyi barədə açıqlama verməyən Məsud Setayişi həbs əməliyyatının təhlükəsizlik qüvvələri tərəfindən həyata keçirildiyini deyib.
Qeyd edək ki, mayın 22-də İran İslam İnqilabı Keşikçiləri Korpusunun (SEPAH) yüksək rütbəli zabiti Həsən Səyyad Xudayi Tehranda öz evinin qarşısında iki motosikletçi tərəfindən güllələnərək öldürülüb.
Polkovnik Həsən Səyyad Xudayi 840-cı Qüds qüvvələri bölməsinin komandir müavini olub. 840-cı Qüds Qüvvələrinin missiyası İsrail maraqlarına zərbə vurmaq və İsrail vətəndaşlarına hücum etmək və bölgə ölkələrində İranmeyilli terror qruplaşmalarını təşkilatlandırmaqdan ibarətdir.
