İranda ötən 24 saatda 91 nəfər koronavirusdan ölüb. Bunu İranın Sağlıq, Müalicə və Tibbi Təhsil Vəzirliyinin sözçüsü Sima Sadat Lari deyib. Bununla da İranda virusdan ölənlərin sayı 59 663 nəfərə yüksəlib. Vəzirlik rəsmisi ölkədə ötən 24 saatda 8 330 nəfərin koronavirusa yoluxduğunu bildirib. Beləliklə, virusa yoluxanların sayı 1 590 605 nəfərə çatıb. Virus daşıyıcılarından 3 696 nəfərin durumu ağırdır. Sadat Lari qeyd edib ki, indiyədək 1 358 541 nəfər koronavirusdan sağalıb, 10,5 milyondan çox test həyata keçirilib.
