İranın özəlliklə böyük şəhərlərində ev kirayə qiymətlərinin kəskin bahalaşmasının ardınca evsizlərin də sayında ciddi artım müşahidə edilir.
“Aznews tv” xəbər verir ki, paytaxt Tehranda vətəndaş tərəfindən çəkilmiş videoda evsiz insanların məcburiyyətdən gecəni avtobuslarda keçirdikəri görünür.
Bildiyiniz kimi, daha öncə sosial mediada İranın Tehran kimi böyük və əhalisi çox olan şəhərlərində ev kirayə qiymətlərinin kəskin artmasına görə iki ailənin birləşərək bir ev kirayə götürdükləri və kirəyə pulunu bölərək ödədikləri haqda məlumatlar yayılmışdı. Hazırda isə Tehran şəhərində çox sayda fəhlə daha bərbad və çətin vəziyyətlə üzləşib və bu soyuq havada gecəni məcburiyyətdən avtobuslarda keçirmək məcburiyyətində qalıblar.
