İranın tanınmış hüquq müdafiəçilərindən olan Arəş Sadiqinin müalicəsinə icazə verilmədiyi üçün sağlamlıq vəziyyətinin kəskin pisləşdiyi bildirlir.
İran İnsan Haqları Təşkilatının verdiyi məlumata görə, Sadiqinin daimi həkim nəzarətində olmalı olduunu deyən ailəsi fəalın həbsindən 48 gün keçməsinə baxmayaraq müalicəsi üçün şərayit yaradılmadığından narahatdırlar.
Bir neçə gün öncə Arəşin atası Hüseyn Sadiqi mediaya verdiyi açıqlamada oğlu üçün həyati əhəmiyyət daşıyan dərmanların ona çatdırılmasına icazə verilmədiyini bildirib.
Arəş Sadiqi oktyabrın 12-də Tehranda təhlükəsizlik məmurları tərəfindən saxlanılaraq Evin zindanının 209-cu bölməsinə köçürülüb.
O, bundan öncədə dinc fəaliyyətlərinə görə dəfələrlə həbs edilib və bir neçə il məhkumluq həyatı yaşayıb.
