Bildiyiniz kimi, İran parlamentinin Büdcə və Proqram Komissiyasının sədr müavini Qulamhüseyn Rizvani yanvarın 5-də Məclisin ümumi iclasında səsləndirdiyi qəribə fikirlə gündəmə gəlib.
“Aznews tv”ın xəbərinə görə, o deyib: “Dövlət büdcə çatışmazlığı ilə üzləşib və əgər maaşları artırsaq, inflyasiya çoxalacaq. Yaxşısə budur, əhali bu vəziyyətə alışsın”.
Sosial şəbəkələrdə yayılmış bu görüntüdə isə insanlara “ağıl verən” millət vəkilinin özünün digər rəsmi şəxslərlə birlikdə bahalı süfrə ətrafında yemək yediyi görünür.
İndi cənab Rizvanidən soruşmaq lazımdır ki, sadə xalq ölkədə baş alıb gedən bahalıq və kəskin inflyasiya üzündən ən əsas ərzaq məhsullarını belə ala bilməzkən o, necə bahalı süfrə başında şəkil çəkdirir və insanlara ağıl verməyə çalışır?!
