Bu, İranda ölkənin Ali Rəhbərini seçən xüsusi hökumət orqanıdır. “İndiki seçkilərin (əvvəlkilər 2016-cı ildə keçirilib) əsas məqamı ondan ibarətdir ki, Ekspertlər Şurasının seçilmiş üzvləri əslində yeni ali rəhbər seçməli olacaqlar, çünki indiki rəhbər Xameneinin bir aydan sonra 85 yaşı tamam olur və o, yəqin ki, postunu tərk edən simadır”, – geniş auditoriyaya qapalı olan Moskva Yaxın Şərq İnstitutu yazır.
Ən çox ehtimal olunan namizəd Əli Xameneinin oğlu Müctəba Xameneidir. Onun İranın siyasi səhnəsinə çıxması və hətta atasının ölümündən sonra Ali Rəhbər ola bilməsi məsələsi təxminən 20 ildir yerli mediada təbliğ olunur. İslam Respublikasının Konstitusiyasına əsasən, Ekspertlər Şurasının üzvlərinə əvvəlki rəhbərin oğlunu və ya digər qohumlarını varis seçməsi qadağan edilmir. “Son illərdə Müctəba Xameneinin mümkün varisi kimi birbaşa və ya dolayı təbliğatı daha incə xarakter alıb. Məsələn media onun müxtəlif yürüş və nümayişlərdə iştirak edənlərin ön cərgəsində, yüksəkrütbəli SEPAH komandirlərinin yanında çəkilmiş fotolarını dərc edir və bütün bunları onun hakimiyyətə gəlməsi üçün ictimai rəyi hazırlamaq tədbirləri kimi şərh etmək olar”.
“Möctəba Xameneinin İranın ali dini lideri seçilməsi atasının onilliklər boyu hakimiyyəti dövründə qəddar repressiyalarla zərərsizləşdirilən çatları qəfil üzə çıxara və ölkədə sosial zəlzələ və siyasi qeyri-sabitliyə gətirib çıxara bilər”, – deyə Moskva Yaxın Şərq İnstitutu bildirib.
