İranın Prezident Dəftəri Radio və Televizyon Təşkilatını ölkə başçısı, habelə vəzirləri ilə bağlı açıqlamalarına görə şikayət edəcək. Prezident Dəftərinin Hüquqi məsələlər şöbəsindən verilən məlumata görə, təşkilat Həsən Ruhani və başqa dövlət rəsmiləri ilə ilgili “təhqiramiz” çıxışlar yayımlayıb. İran prezidentinin Radio-Televizyon Təşkilatının Nəzarət Şurasındakı nümayəndələri şura rəisinə məktub yazaraq ondan məsələnin araşdırılmasını istəyiblər.
Prezident Dəftərinin rəisi Mahmud Vaezi də məsələyə münasibət bildirib. Onun sözlərinə görə, prezident seçkilərinin vaxtı yaxınlaşdıqca Həsən Ruhaniyə qarşı “təhqirlər” artıb.
