Mamunun sözlərinə görə, onlar, əsasən, Əfqanıstanın şimal bölgələrindəndirlər, görünür, şiə həzaralarıdırlar.
Əfqan şiələri 2012-ci ildən Suriyada Əsəd rejiminin tərəfində sünni islam müxalifətinə qarşı müharibədə iştirak ediblər. 2013-cü ildə İran İslam İnqilabı Keşikçiləri Korpusunun (SEPAH) təlimatçıları əfqanlardan ayrıca bir bölmə – “Liwa Fatemiyoun”u yaradıblar. Şəxsi heyətin əksəriyyəti 1980-ci ildən 2000-ci ilə qədər Əfqanıstandan qaçqın düşmüş, İranda yaşayan şiələr idi. Bölmə Suriyanın şərqində yerləşirdi. 2017-ci ildə maksimum sayına çatdı: söhbət təxminən 10.000 döyüşçüdən gedirdi. 2018-ci ildən bölmədən gediş başladı, 2020-ci ilin sonuna qədər “Liwa Fatemiyoun”da təxminən 500-1500 nəfər qalmışdı.
Göründüyü kimi, indi SEPAH bu bölmənin şəxsi heyətini Qolan təpələrinin Suriya ərazisindən və ola bilsin ki, Livanda Hizbullah tərəfində İsrailə qarşı hərbi əməliyyatlara cəlb etmək məqsədilə artırmağa çalışır.
Noyabrın 12-də Suriya İnsan Haqları Müşahidə Qrupu (SOHR) oktyabr ayı ərzində müxtəlif millətlərdən ibarət 700-ə yaxın elit silahlı qüvvələrin İsraillə sərhəd yaxınlığındakı Qolan təpələrinə yerləşdirildiyini bildirib. Onların hamısı SEPAH və Hizbullah tərəfindən hazırlanıb.
Noyabrın 8-də Əsəd rejiminə qarşı sünni islam müxalifətinin mənbələri İraq şiə qrupları ilə əlaqəli və iranlılar tərəfindən hazırlanmış silahlı qruplar təxminən iki ay əvvəl yaradıldığını və hazırda tam döyüş hazırlığı vəziyyətində Qolan təpələrində yerləşdikləri bildiriblər.
