İraqın maliyyə və iqtisadi çətinliklərinin olmasına rəğmən, ölkədə koronavirusa qarşı vaksinlər vətəndaşlara pulsuz paylanacaq. Bu sözləri İraq prezidenti Bərhəm Saleh koronavirusla mübarizə üzrə Birləşmiş Millətlər Təşkilatının Ümumi Yığıncağında çıxışı zamanı bildirib. Ölkə başçısı təhlükəli infeksiyadan ölələrin sayının azaldılması, vaksinin paylanılmasında ədalətin təmin olunması, habelə ticarətdə virusla bağlı xəsarətlərin qarşısının alınmasının vacibliyini vurğulayıb.
