Daiş terror təşkilatı İraqda yenidən fəallaşıb. Bu barədə İraqın Xarici İşlər vəziri Fuad Hüseyn bildirib.
“Çox təəssüf ki, Daiş terror təşkilatı mövcuddur. Daiş ötən aylarla müqayisədə daha da fəallaşıb. Terrorçuların Ənbar, Kərkük və Diyala vilayətlərinin müəyyən bölgələrində və Neynəva əyalətinin bəzi şəhristanlarında yerləşdiyi ilə bağlı məlumatlarımız var. Daişin həbsdə müxtəlif millətlərdən olan üzvləri var”, – deyə vəzir qeyd edib.
