Diplomat bu barədə sentyabrın 11-də yerli və xarici jurnalistlərlə keçirdiyi həftəlik mətbuat konfransında danışıb.
“İran geosiyasətdə və beynəlxalq səviyyədə tanınmış sərhədlərdə istənilən dəyişikliyə qarşıdır. İran hər zaman ölkələrin ərazi bütövlüyü və suverenliyinə hörmətlə yanaşmağın və gərginlik yaradan hər hansı tədbirdən qaçmağın vacibliyini vurğulayıb”, – deyə Kənani bildirib.
O, Tehranın hər iki tərəfin rəsmiləri ilə təmasda olduğunu və Qarabağın Azərbaycan Respublikasının bir hissəsi olduğunu desə də, ermənilərin taleyindən nigaranlığını ifadə edib:
“Qarabağ sakinlərinin hüquqları və təhlükəsizliyi konkret çərçivədə müəyyən və təmin edilməlidir”.
