“Əl-Ərəbiyyə” kanalının mənbələrinə görə, Suriya prezidenti Bəşar Əsəd açıq şəkildə Tehrandan tələb edib ki, Suriyada İrana bağlı yaraqlıların başçısı Cavad Ğəffarini bu ölkədən uzaqlaşdırsın.
“Aznews tv” xəbər verir ki, görünür İranın Suriyada hərbi varlığı və fəaliyyəti Əsəd rejimi üçün təhlükə mənbəyinə çevrilib və o, İranın ölkəsində artan təsirindən artıq təngə gəlib.
“Əl-Ərəbiyyə”nin qaynaqları dekabrın 30-da Suriya ordusunun İranın və ona bağlı proksi güclərinin bu ölkədə, xüsusən əs-Sahil bölgəsində fəaliyyətini daha çox məhdudlaşdırmaq üçün ciddi və praktik addımlar atdığıdan xəbər verib.
Həmin mənbələrə görə, İran Suriya və Livan cəbhəsində fəaliyyətini genişləndirmək məqsədilə mülki gəmilərdən hərbi texnikanı Suriya limanlarına çatdırmaq üçün istifadə edir.
