Azərbaycanlı mədəni fəallar tərəfindən Sufiyan şəhərində divarlara şüarlar yazılıb. Onlar bu üsulla azərbaycanlı siyasi fəalların azad edilməsini istəyiblər. Divarlarda “Siyasi məhbuslar azad olunsun”, “Abbas Lisani azad olunsun”, “Yusif Kari azad olunsun”, “Azərbaycan var olsun, istəməyən kor olsun”, “Free Kari and Lisani” kimi onlarla etiraz şüarları yer alıb.
Xatırladaq ki, milli fəallar Abbas Lisani, Siamək Mirzayi, Əli və Riza Vaseqi Yusif Kariyə dəstək üçün aclıq etisabına başlamışdılar. Başqa üç türk məhbus Behnam Şeyxi, Tohid Əmir Əmini və Kianuş Aslani də aclıq etisabına qoşulacaqlarını elan etmişdilər. Qeyd edək ki, Yusif Karinin öz bəndinə qaytarılması ilə azərbaycanlı fəalların aclıq etisabı başa çatıb.
