az

Nazir: Qazaxıstanda yalnız 6 bölgədə qazlaşdırma səviyyəsi 90% -dən yuxarıdır

Qazaxıstanın energetika naziri Nurlan Noğayev ölkənin qazlaşdırılmasının necə davam etdiyini və buna nə qədər pul xərcləndiyi barədə jurnalistlərlə söhbətində ətraflı məlumat verib.

Onun sözlərinə görə, 2020-ci ilin sonuna ölkədə qazlaşdırma səviyyəsi 90% -dən yuxarı olan cəmi 6 bölgə var. Bunlar Atyrau vilayətidir – 99,6%, Mangistau vilayətində – 99%, Almatı – 98,8%, Qərbi Qazaxıstan vilayətində – 96,2%, Çimkentdə – 92,1% və Aktobe vilayətində – 90,1%.

“Ümumiyyətlə, ölkənin 6162 yaşayış məntəqəsindən 1468-i və ya ümumi yaşayış məntəqələrinin cəmi 24% -i qazlaşdırılıb”, deyə Nurlan Noqayev bildirib.

Nazir əlavə edib ki, son 5 ildə Qazaxıstanda 1334 km magistral qaz kəməri və paylayıcı şəbəkələrə aid 20 min km-dən çox qaz kəməri tikilib.

Şimal bölgələrə əlavə olaraq Qazaxıstanın şərq hissəsi də qazlaşdırılmamış qalır. Energetika nazirli bildirib ki, qazlaşdırma üçün ən yaxşı seçim Rusiyadan Barnaul – Rubtsovsk – Semey – Ust-Kamenogorsk marşrutu boyunca bir qaz kəmərinin çəkilməsidir. Bu vəziyyətdə, onun ölkə daxilində Pavlodar bölgəsinə yönəldilməsi nəzərdə tutulur.

“Müəyyən edilmiş marşrut boyunca qaz kəmərinin çəkilməsi 2,1 milyon nəfərdən ibarət olan bu bölgələrin əhalisinin qazlaşdırılmasına imkan verəcəkdir. Qazın illik stehlak həcmi 2,3 milyard kubmetr olaraq qiymətləndirilir. “KazTransGaz” ASC və “Qazprom” şirkətləri arasında işçi qrupu yaradılıb. Məsələ Rusiya tərəfi ilə işlənir”, deyə Noqayev bildirib.

Nazir həmçinin Qazaxıstan paytaxtı Nur-Sultanın qazlaşdırılması məsələsinə də toxunub. Paytaxtın qazlaşdırılması 3 mərhələyə bölünür. Hal-hazırda 9 qaz təsərrüfatı kompleksini birləşdirən 1-ci mərhələnin tikintisi davam edir.

Onun sözlərinə görə, 2015-ci ildən 2020-ci ilədək Qazaxıstanın dövlət büdcəsi hesabına nazirlik qazlaşdırma üçün 125 milyard tənqə həcmində məqsədyönlü transfertlər ayırıb ki, bunun da 76 milyard tənqəsi son 2 ilin payına düşüb.

Ölkədəki ümumi qaz ehtiyatlarından bəhs edən energetika naziri mavi yanacaq ehtiyatlarının Qazaxıstanın daxili ehtiyaclarını ödəmək üçün yetərli olduğunu bildirib, ancaq bu ehtiyatları açıqlamayıb.

“Xülasə, edərək qeyd etmək istərdim ki, qazlaşdırma layihələrinin həyata keçirilməsinə, habelə bu günə kimi istismar olunmamış obyektlərin qaz sisteminə qoşulmasını nəzərə alaraq 2023-cü ilin sonuna qədər qazlaşdırma səviyyəsinin 55% -ə çatması gözlənilir”, deyə Noqayev bildirib.

Nazir fikrini tamamlayaraq əlavə edib ki, 3 il sonra 10.4 milyon nəfərdən çox əhali qazla tam təmin edilmiş olacaq.

Qeyd edək ki, Qazaxıstan əhalisinin sayı 2020-ci ilin sonuna 19,1 milyon nəfər olacağı gözlənilir.

Related Articles

Bir cavab yazın

Back to top button