“İndi mən BMT Baş Assambleyasına gedirəm, orada İsraili dünya xalqları qarşısında təmsil edəcəyəm. Bir çox dünya liderləri ilə, xüsusən də Prezident Baydenlə görüşəcəyəm. Onunla ilk növbədə İranı, həmçinin İsrail və ərəb ölkələri arasında sülh dairəsinin genişlənməsini müzakirə edəcəyəm”, – İsrailin baş naziri bildirib.
Netanyahunun sözlərinə görə, “bütün dünya bu gün İranın bütün öhdəliklərini pozduğunu, həyasızcasına yalan danışdığını görür. İran həm nüvə silahı hazırlamaq, həm də regionda təcavüzünü davam etdirmək niyyətindədir”.
“Bu təhdidlərin hər ikisinə qarşı birlikdə dayanacağıq. Bu gün İran rejiminin rəsmilərindən birindən təhdidlər eşitdim, ona tövsiyə edirəm ki, bizi təhdid etməsin. O və onun rejimi bilməlidir ki, xalqımıza, vətəndaşlarımıza qarşı hər hansı hücuma sərt cavab verəcəyik”, – İsrail hökumətinin başçısı əlavə edib.
