İran milli məclisinin yeni seçilmiş rəisi Məhəmməd Baqer Qalibaf ilk çıxışında dövlətin fəaliyyətini “səriştəsiz və yarıtmaz” adlandırıb. Məclisin dövləti doğru yola yönəltmək istədiyini bildirib.
Qalibaf, 11-ci məclisin ölkədəki problemlərə yanaşması barədə deyib: “Vəziyyəti daha da xətərli edən, dövlətin idarəetmə numunəsidir.
Məclis rəisinin sözlərinə görə, məhz belə bir vəziyyətdə 11-ci Məclis, dövlətə məntiqi və inqilabi yanaşma ilə, eləcə də qanun mekanismlərindən və xüsusilə nəzarət imkanlarından istifadə edərək, Xameneyin tapşırıqları çərçivəsində dövləti düzgün yola yönəldə bilər.
“11-ci Məclisin dövlətlə qarşıdurma və onun səhvlərini yaxalamaq hədəfi olmadığını” dilə gətirən Qalibaf artırıb: “11-ci Məclis xalqa xidmət yolunda dövlətin bürokrasi manelərini aradan qaldırmağa və düzəltməyə çalışır. Bununla yanaşı, dövlətin insanların çətinliklərini həll edən qanunların icrasına səhlənkar yanaşmasına imkan verməyəcək”.
