Qazaxıstanda Qarabağ savaşının səbəbləri, gedişi eləcə də nəticələrindən bəhs edən “Qarabağ – geri dönən xoşbəxtliyim” bəlgəsəl filmi çəkilib. Film qazaxıstanlı yönətmən tərəfindən qazax və rus dillərində hazırlanan ilk bəlgəsəl filmdir. Ekran işinin süjet xətti öz ardıcıllığı və dinamikası ilə seçilir. Film savaşla ilgili Azərbaycanın haqlı olduğunu geniş ictimaiyyətə çatdıra biləcək dəqiq və dolğun məlumatlarla zəngindir. Bundan başqa, ekran işində Qarabağın azadlığının rəmzi sayılan xarıbülbül haqda da ətraflı bilgi verilib.
