“İranın Türkiyəyə uzunmüddətli qaz ixracına dair müqaviləni uzatmaqla sanksiyalar altında olan Tehran bölgədə mövcud iki enerji bazarından ən azı birini qoruyub saxlaya bilər, baxmayaraq ki, bu arena İran üçün rəqibsiz deyil.
Türkiyənin qaz bazarında İranın rəqiblərindən biri də Azərbaycandır. Ankara ilə Bakı arasında bağlanan qaz müqaviləsi Azərbaycanın Türkiyəyə qaz ixracını 11 milyard kubmetrə çatdırıb və əslində iqtisadi analitiklərin fikrincə, bu müqavilə İran üçün həyəcan təbili çalıb. Xüsusilə son bir neçə ildə Türkiyənin qaz təchizatında Azərbaycanın payı iki dəfədən çox olub, İranın payı isə ikiqat azalıb”.
