İranın atom anlaşması olan “BƏRCAM”a qayıtması imkansızdır. Bu sözləri Atom Enerjisi üzrə Beynəlmiləl Ajansın rəisi Rafael Qrossi dilə gətirib. Məsələ ilə bağlı İspaniyanın “Elpais” qəzetinə müsahibə verən ajans rəsmisi bildirib ki, hazırda İranın atom silahı əldə etməsi üçün böyük həcmdə uraiumun zənginləşdirilməsinə ehtiyacı var. Onun sözlərinə görə, bu günə qədər İran anlaşmada göstəriləndən daha çox həcmdə uraniumun zənginləşdirilməsinə müvəffəq olub. Rafael Qrossi atom anlaşması nöqteyi-nəzərindən çıxış edərək tərəfləri yenidən danışıqlar aparmağa çağırıb. Bundan əlavə, o, İranın Amerikanın anlaşmanı tərk etməsindən 14 ay sonra öz öhdəliklərini pozmağa başladığını vurğulayıb.
