Beynəlxalq Futbol Federasiyası (FİFA) Rusiyanın bütün beynəlxalq yarışlardan, o cümlədən dünya çempionatından kənarlaşdırılmasına hazırlığı nəzərdən keçirir.
“Aznews tv” xəbər verir ki, bu barədə “euronews” xəbər ajansı məlumat yayıb.
“euronews” məlumatlı mənbəyə istinadən xəbər verib ki, FİFA Rusiya milli futbol komandasının fəaliyyətini dayandırmaq və komandanı bütün beynəlxalq yarışlardan məhrum etmək üçün “qabaqcıl məsələləri” nəzərdən keçirir.
Adı açıqlanmayan mənbə sonda qeyd edib ki, FİFA “vəziyyət yaxşılaşmasa” Rusiya millisinin 2022-ci ildə Qətərdə keçiriləcək dünya çempionatından kənarlaşdırılması barədə qərar vermək üçün Avropa Futbol Assosiasiyası (UEFA) ilə məsləhətləşmələr aparır.
