İran

Səid Sultani və Babək Kiyumərsi Təbriz məhkəməsinə çağırılıblar

Güney azərbaycanlı milli fəallar Səid Sultani ilə Babək Kiyumərsi Təbrizin İnqilab Məhkəməsinə çağırılıblar. Culfa şəhərində yaşayan fəallara göndərilmiş bildirişlərdə onların xordadın 3-ü saat 09:30-da Təbrizin İnqilab Məhkəməsinə çağırıldıqları qeyd olunub. Onların pərvəndəsinə qazi Fəthnijadın rəisliyi ilə 3 saylı şöbədə baxılacaq.
Bildirək ki, güney azərbaycanlı milli-mədəni fəallar keçən il mehrin 13-də İranın Ermənistana yardım göndərməsinə etiraz edərək, “Norduz” mərzinin bağlanmasını istəyiblər. Bu etirazdan sonra milli fəallar Culfa şəhərindəki iş yerlərində tutuqlanıblar.
Səid Sultani ilə Babək Kiyumərsi ötən il azərin 12-də dindirmə prosesinin sonunda İran İttilaat Baxanlığının Təbrizdəki baazdaştqahından Təbriz mərkəzi zindanının qərəntinə bölməsinə köçürülüblər. Fəallar barəsində ” müxalif təşkilatlara üzv olmaq” ittihamı irəli sürülüb. Onlar azərin 3-də 500 milyon tümən vəsiqə qarşılığında araşdırmalar başa çatana qədər müvəqqəti azad ediliblər.

Related Articles

Bir cavab yazın

Back to top button