Mazandaran əyalətinin Adli Tibb (Pezeşki Qanuni) Baş İdarəsinin rəisi deyib ki, son üç ayda Xəzər dənizinin Mazandaran sahillərində 61 nəfər boğulub ki, bu da keçən ilin eyni dövrü ilə müqayisədə yüzdə 97 artım deməkdir.
O bildirib: “Son üç ayda Xəzər dənizində 61 nəfər boğulub ki, bunlardan 54-ü kişi, qalanları xanımlardır”. Boğulanların yüzdə 64-nün yerli sakinlər olmadığına toxunan Abbasi artırıb: “Boğulanların çoxu 21-30 yaşlarında 18 nəfər, 11-20 yaşlarında 16 nəfər və 31-40 yaşlarında 10 nəfərdir”. İdarə rəisi boğulma nəticəsində ölüm hallarının əsasən icazə verilməyən və mühafizə olunmayan yerlərdə meydana gəldiyini qeyd edib.
