Tehranda evlərin qiymətləri qalxıb

Son bir ildə Tehranda mənzillərin ortalama qiymətləri yüzdə 118-dən çox bahalaşıb.
Bu barədə İran Mərkəzi Bankının məlumatında deyilir. Belə ki, bu ilin novambrında Tehranda yaşayış sahələri alt quruluşunun bir metr mürəbbəsinin alqı-satqı qiymətində 2019-cu ilin eyni dövrü ilə müqayisədə yüzdə 118-dən çox artım görünüb.
Bankın raporuna əsasən, bu ilin novambrında yaşayış evlərinin bir metr mürəbbəsinin ortalama qiyməti 271.9 milyon rial olub.
Bildirilib ki, 2020-ci ilin novambrında Tehranda yaşayış binalarında alqı-satqı əməliyyatlarının sayı 4,5 min mənzilə çatıb. Bu da öncəki ayla müqayisədə yüzdə 48,4 azalma və öncəki ilin eyni dövrü ilə müqayisədə yüzdə 9,9 artım deməkdir.