“The Wall Street Journal” qəzeti sanksiyalardan yayınmaq üçün İslam Cümhuriyyətinin gizli maliyyə sisteminin detallarını açıqlayaraq bildirib ki, İran rəsmiləri maliyyə əməliyyatlarının xarici nəzarətdən qorunması üçün bu sistemi ölkə iqtisadiyyatının daimi hissəsinə çevirməyə çalışırlar.
“Aznews tv”xəbər verir ki, sözügedən qəzet bu hesabatı bir neçə Qərb diplomatı, kəşfiyyat rəsmiləri və bəzi sənədlərə əsaslanaraq martın 18-də dərc edib.
Qəzetin yazdığına görə, İranın sanksiyalardan yayınmaq üçün istifadə etdiyi gizli sistemə xarici bank hesabları, xaricdə qeydiyyatdan keçmiş hüquq firmaları və İran daxilində yerləşən ticarət palatası daxildir.
Qərb rəsmilərindən biri qəzetə açıqlamasında qeyd edib ki, bu gizli sistem İran hakimiyyətinin misli görünməmiş çirkli pullarının yuyulması əməliyyatlarında istifadə olunur.
