Amerika prezidenti Donald Tramp keçmiş dövlət dəbiri Kolin Pauellin prezident seçkilərində demokratların namizədi Co Baydenə dəstək verməsini tənqid edib.
Ağ Ev rəhbəri məhz K.Pauellin Amerika qoşunlarının Yaxın Şərqə girməsinə görə məsuliyyət daşıdığını bildirib.
“Kolin Pauell həmin inadkar insandır ki, bizi Yaxın Şərqdəki fəlakətli savaşa sürükləyib. O, buna görə böyük məsuliyyət daşıyır. Daha bir inadkar insan yuxulu Co Baydenə səs verəcəyini açıqlayıb. Məgər, Pauell deməmişdi ki, İraqda kütləvi qırğın silahları var?!” – deyə Tramp bildirib.
