Tükiyənin “Yeni Şəfəq” nəşrinin yaydığı məlumata görə, Türkiyə ordusu İraqın şimalında antiterror əməliyyatı çərçivəsində stratejik sayılan Ovaköy istiqamətində irəliləyir. Bildirilir ki, məqsəd PKK-nın Sincar üzərindən Suriya ilə əlaqəsinin kəsilməsidir. Həmçinin, qeyd olunur ki, buna görə də Türkiyə ordusu Ovaköy yanındakı Fişhabur istiqamətində irəliləyir. Türkiyə-İraq mərzindəki bu xəttdə terrorçuların təxribatına qarşı nəzarət gücləndiriləcək. Bu bölgənin terrorçulardan təmizlənməsi həlledici əhəmiyyətə malikdir.
