Onun sözlərinə görə, ibtidai məhkəmənin çıxardığı qərar Tehran Apellyasiya Məhkəməsi tərəfindən təsdiqlənib və icra edilməsi üçün göstəriş verilib. Hökmə görə, rejissor “əlbir olmaq, bəyanatlar yaymaq və sənədli filmlər hazırlamaqla ölkənin milli təhlükəsizliyinə zərbə vurmaq” istəyib.
Son illərdə Rəsulof İslam Respublikasını sərt tənqid etdiyi üçün İran hökumətinin məhkəmə və təhlükəsizlik orqanları tərəfindən davamlı olaraq mühakimə olunub. O, sonuncu dəfə 2022-ci ilin iyununda həbs edilib və 7 ay həbsdə qaldıqdan sonra sərbəst buraxılıb.
