Musavat.com xəbər verir ki, “Unter Der Linden” meydanında keçirilən aksiya daha sonra yürüşlə davam edib.
Aksiyada azadlıq şüarları səsləndirilib, çıxışlar olub.
***
Almaniyanın paytaxtı Berlində 2006-cı ildə İranda baş verən 22 may (1 Xordad) hadisələrinin növbəti ildönümü ilə əlaqədar etiraz aksiyası keçirilir.
Musavat.com-a bu barədə aksiyanın təşkilatçılarından olan Saleh Kamrani məlumat verib.
Bildirilib ki, “Unter Der Linden” meydanında toplaşan etirazçılar əllərində müxtəlif şüarlar, Azərbaycan və Güney Azərbaycanın bayraqlarını tuturlar.
Aksiyada azərbaycanlılar, türkiyəlilər, Qaşqay türkləri iştirak edirlər. İrandan didərgin salınan və dünyanın müxtəlif ölkələrində məskunlaşmış Güney Azərbaycanlı soydaşlarımız xüsusiilə fəallığı ilə seçilirlər.
Onlar “Azadlıq, Ədalət, Milli Hökumət” şüarını səsləndirirlər.
Aksiyadan videoları təqdim edirik:
***
Almaniyanın paytaxtı Berlində 2006-cı ildə İranda baş verən 22 may (1 Xordad) hadisələrinin növbəti ildönümü ilə bağlı keçirilən aksiyanın iştirakçıları meydana toplaşmağa başlayıblar.
Bu barədə “Report”un Avropa bürosunun aksiyanı işıqlandıran əməkdaşı xəbər verir.
Etirazçılar əllərində müxtəlif şüarlar, Azərbaycan və Güney Azərbaycanın bayraqları Berlinin “Unter Der Linden” meydanına gəlirlər.
Aksiyanın şüarı “Azadlıq, Ədalət, Milli Hökumət”dir.
Etiraz mitinqi bir qədər sonra başlayacaq.
Xatırladaq ki, 2006-cı il mayın 12-də İran hakimiyyəti “İran” rəsmi qəzetində 35 milyondan çox Azərbaycan türkünü həşərat kimi təsvir edən təhqiramiz karikatura çap edib. Bu hadisə Güney Azərbaycanda kəskin etirazla qarşılanıb və azərbaycanlılar yaşadıqları şəhər və qəsəbələrdə etiraz aksiyalarına başlayıblar.
Təhlükəsizlik qüvvələri Tehran, Zəncan, Təbriz, Urmiya, Ərdəbil, Əhər, Həmədan, Kəleybər, Muğan, Miyanə, Marağa, Xoy, Salmas, Xiyav, Qoşaçay, Sulduz və Mərənd şəhərlərində təşkil edilən nümayişlərə müdaxilə edib. Rəsmi məlumatlara görə, dinc aksiyaçılara atəş açılması nəticəsində az 30 nəfər öldürülüb, yüzlərlə insan yaralanıb.
Güney azərbaycanlı fəallar isə bildirirlər ki, hadisələr zamanı 5 mindən artıq etirazçı həbs edilərək, işgəncəyə məruz qalıb, 200 nəfərə yaxın şəxs öldürülüb və ya itkin düşüb.
Hər il, azərbaycanlılar və xüsusilə də Güney Azərbaycan fəalları dünyanın hər yerində, bu tarixi gündə – 1 Xordad hadisələri zamanı həlak olanların xatirəsi yad edirlər.
