Xorvatiyada 6,4 bal gücündə zəlzələ olub.
Məlumatı Avropa-Aralıq dənizi seysmoloji mərkəzi yayıb.
Bildirilib ki, yeraltı təkanların mərkəzi əhalisi 800 min nəfərdən çox olan Zaqreb şəhərindən 51 km cənub-şərqdə, əhalisinin sayı 50 min nəfərə yaxın olan Sisak şəhərindən 9 km cənub-qərbdə yerləşib.
Zəlzələ 10 km dərinlikdə baş verib. Qurbanlar və dağıntılar barədə məlumat yayılmayıb.
Qeyd edək ki, dekabrın 28-də Xorvatiyada 5,2 bal gücündə zəlzələ qeydə alınıb.
