Ölçüləri mütəxəssislər tərəfindən 84-190 metr qiymətləndirilən 2009 PQ1 göy cismi bu gün axşam saatlarında Yer kürəsinə yaxınlaşacaq. Bu barədə NASA xəbər verib. Mütəxəssilər bildirib ki, göy cismi Yer sakinləri üçün heç bir təhlükə törətməyəcək. Məlumata görə, göy cismi saat 20:35-də Yer kürəsindən 4 milyon kilometr məsafədə uçacaq. Bu, Yerlə Ay arasındakı məsafədən yeddi dəfə uzaqdır. Göy cisminin növbəti dəfə Yer kürəsinə 2137 ildə yaxınlaşacağı gözlənilir. Qeyd edək ki, bu göy cismi 2009-cu ilin 14 aqustunda görünüb. Göy cismi uçuşu Yer kürəsinin mədarından keçən “Apollon” göy cismləri qrupuna aiddir.
