Rusiyanın “Admiral Kuznetsov” aviadaşıyıcısında yanğın baş verib.
Eurasia Diary İnterfax-a istinadən xəbər verir ki, Murmanskda təmir zamanı baş verən yanğın nəticəsində üç nəfər xəsarət alıb.
İlkin məlumata görə, yanğın enerji bölməsində qaynaq işləri aparılan zaman baş verib və 600 kvadrat metr sahəni əhatə edib. Hadisə nəticəsində 1 nəfərin yaralandığı, 6 nəfərin xilas edildiyi, 3 nəfərin isə itkin düşdüyü bildirilir. Hazırda xilasetmə əməliyyatı davam etdirilir.
