Yanvarın 30-da ikinci gün olaraq İranın 300 şəhərində müəllimlər və təhsil işçiləri hüquqlarının pozulmasına, istəklərinin yerinə yetirilməməsinə etiraz üçün təhlükəsizlik məmurlarının basqılarına baxmayaraq oturaq aksiyasyaya əl atəblar.
Oturaq aksiyanın ikinci günündə müəllimlər əmək haqları və başqa bu kimi qanuni tətəbləri ilə yanaşı sinfi fəalların həbs edilməsinə də etirazlarını bildiriblər.
İran Müəllimlər İttifaqının sözçüsü Məhəmməd Həbibinin sözlərinə görə, müəllimlərin ümumölkə oturaq aksiyasının ikinci günü önənki gündən daha geniş olub və 300-dən çox şəhər, kənd və təhsil bölgəsini əhatə edib.
“Oturaq aksiyalar nəticəsində təhlükəsizlik idarəsinin basqıları artıb və müxtəlif həmkarlar ittifaqı fəalları təhlükəsizlik idarələri və ya kəşfiyyat mərkəzlərinə çağırılıb. Məlumata görə, bazar günü, yanvar ayının 30-u səhər saatlarında özlərini kəşfiyyatçı kimi təqdim edən bir neçə təhlükəsizlik məmuru Mərivan müəllimlər həmkarlar ittifaqının fəalı Bəhmən Şaban Məhəmmədinin evinə basqın edərək, onu özləri ilə naməlum yerə aparıblar”-deyə, Məhəmməd Həbibi bildirib.
Onun sözlərinə görə, təhlükəsizlik məmurlarının basqıları əks nəticə verib və aksiyaya qoşulan müəllimlərin sayının çoxalması ilə yanaşı çox sayda şagirddə müəllimlərə dəstək üçün məktəblərdə oturaq aksiyaya əl atıblar.
Qeyd edək ki, İran Təhsil İşçiləri Koordinasiya Şurasının yanvarın 26-da yayınlanan növbəti çağırışından sonra oturaq aksiya yanvarın 29-da başlayıb və iki gün davam edəcəyi bildirilən aksiyanın üçüncü günü, yanvarın 31-i şəhərlərin Təhsil İdarələri qarşısında mitinq keçirilməsi nəzərdə tutulub.
Təhlükəsizlik orqanlarının basqılarının artması təhsil işçilərinin nəzərdə tutduqları kütləvi mitinqin qarşısının alınmasına hesablanıb.
